“البرهان” من ود مدني: لمن “يتسولون” في عواصم العالم ويدعون جلب الحلول: “نحن موجودون هنا والشعب السوداني هنا ولا حلول ستفرض علينا من الخارج”
ود مدني: كواليس
وجه رئيس مجلس السيادة الفريق أول ركن عبد الفتاح البرهان رسالة للعملاء من مدينة ود مدنيقائلا : لمن “يتسولون” في عواصم العالم ويدعون جلب الحلول: “نحن موجودون هنا والشعب السوداني هنا ولا حلول ستفرض علينا من الخارج”
مضيافاً “أي بعثة أو أي مندوب يحضر للسودان ويحاول ان يصطفي فئة أو يصطف مع فئة حتماً لن يكون مقبولاً “.
موكدا أن هنالك مجموعات قد تكون مساندة لهؤلاء البشر(مليشيا الدعم السريع المتمردة) لكن نقول لهم مافي زول حيصل للسلطة على أشلاء وجماجم السودانيين، إلاّ ينتهوا كلهم، و إذا في زول مفتكر انو ممكن يحكمهم ويكون مقبول بعد السواهُ فيهم ده بنقول ليهو إنت غلطان.” (على حد قوله).
مشيرا إلى أن “احد الأدوات غير المقبولة بالنسبة لهم كانت بعثة اليونيتامس، وان العالم استجاب لرغبة البلاد في إنهاء وجودها في السودان، مؤكدا: نحن لا نرفض العمل مع الأمم المتحدة ولا نرفض التعاون معاها لكن لا بد من بعثة محايدة تساعدنا على اعادة الأمن و الاستقرار في البلاد”.
مرسلا رسالة للاحزاب “السياسيين البفتشوا حلول في الخارج نقول ليكم تعالوا هنا مكان الشعب السوداني موجود، مدني دي فيها ٥ مليون نازح وزيهم في شندي وعطبرة وغيرهم طلعوا برّا السودان من الجنينة وزالنجي، إذا انت داير سلام و داير تتكلم في مستقبل السودان تعال اتكلم مع الناس الواطيين الجمرة تعال أقعد مع السودانيين شوف الحلول البتطلع منهم”.
مضيفاً.. “بكل أسف جزء كبير من مكوناتنا أصبحوا الآن يتسوّلون في عواصم العالم بحثاً عن حلول، نحن موجودين هنا، تعالوا هنا والشعب السوداني موحود هنا، داير حلول تعال هنا اتكلم معانا هنا ..
مافي حلول بتجي من برا ومافي حلول حتتفرض علينا و لا في حلول حيفرضها زول على الشعب السوداني”.
خاتماً “رسالة لمتبقي متمردي الدعم السريع انتو بكل أسف منقادين وراء نفرين أو تلاتة، بتخدموا في أجندة شخصية لأشخاص ما عندهم هدف غير يرووا طمعهم للسلطة”.